منتديات نادي مدينة 6 أكتوبر الرياضي


نادي مدينة 6 أكتوبر ..... نادي الحاضر والمستقبل
 
الرئيسيةالبوابةمكتبة الصورالتسجيلدخول

شاطر | 
 

 الشاعر أمين الديب (الفلاح المصرى الفصيح ) الشاعر الذى يحسب له ألف حساب

اذهب الى الأسفل 
كاتب الموضوعرسالة
يحيى توفيق السحيمى

avatar

عدد الرسائل : 346
العمر : 58
مقولتي : كلماتى {وَلاَ تَقْفُ مَا لَيْسَ لَكَ بِهِ عِلْمٌ إِنَّ السَّمْعَ وَالْبَصَرَ وَالْفُؤَادَ كُلُّ أُولـئِكَ كَانَ عَنْهُ مَسْؤُولاً }الإسراء36
تاريخ التسجيل : 08/04/2008

مُساهمةموضوع: الشاعر أمين الديب (الفلاح المصرى الفصيح ) الشاعر الذى يحسب له ألف حساب   السبت أكتوبر 04, 2008 11:52 am

الشاعر الفصيح أمين الديب سمعته منذ فترة وتمنيت أن اسمعه وهو يلقى شعره الذى ينساب منه كالماء فى الجداول النهرية ينساب بكل سهولة ويسر وينساب من فمه كعسل النحل له طمع حلو ويعالج كل أمراض المجتمع والحمد الله ما تمنيته تحقق عندما سمعته وهو يلقى أشعاره باللغة العامية البسيطة وقلت فى نفسى أن المولى عز وجل يسخر من خلقه وفى كل مجتمع من يبصرها بعيوبها وإليكم بعض من السيرة الذاتية التى سمعتها من الشاعر الفصيح أمين الديب عندما تم أستضافته فى برنامج العاشرة مساءاً يوم 27/8/2008 وأعديت الكلقة بناء على محبى الشاعر فى يوم 3/10/2008
الشاعر (محمد عبد الحسيب هو الاسم الحقيقى للشاعر أمين الديب والقصة كما قالها أن (القابلة التى ساعدت أمه عند ولادته هى السبب فى تسميته بأسم محمد وعندما كانت كل قابلة تذهب وتسجل أسماء المواليد التى لديه ولم تتذكر أسمه فأطلقت عليه اجتهاداً أسم محمد وعند دخولة المدرسة ذهب أبوه لكى يستخرج شهادة ميلاد له فلم يجد أسم أمين ولكن عرف أن محمد هو ابنه بأسم الاب حيث أن القرية لم يكن فيها أحد بأسم عبد الحسيب إلا هو وتم استخراج شهاد ميلاد باسم محمد عبد الحسيب فى الاوراق الرسمية فقط والشهرة باسم الشاعر أمين الديب .
ولد الشاعرالفلاح الفصيح أمين الديب عام 1937 م أى عمره الان 71 عام (بارك الله فى عمره وذلك فى قرية نكلا محافظة الجيزة
والشاعر أمين الديب عندما سئل عن مصادر ثقافته قال أن الكتاب والتربية الايمانية وحفظه للقرآن والحكايات التى كانت تحكى للاطفال من خيال الامهات والاجداد والأمثال الشعبية هى أثرت فيه
وقد حصد الشاعر الفصيح العديد بل العشرات من شهادات التقدير من جهات شتى ولكن تعرض للعديد من المضايقات أيضا حتى تم اعتقاله بتهم عديدة ولكن والحمد الله كان برئياً مما نسب إليه وأنى أتمنى أن تعطى له وزارة الثقافة وهيئة الكتاب الاهتمام وتقوم بطبع اشعاره وذلك لان ثروة فى رأى كثير من المتخصصين وإليكم نماذج مما قاله من شعر فى هذه الحلقة وعند بحثى عن شعره وجدت له مواقع عديدة نشرت الكثير مما كنت أحب أن أسمعه منه


عدل سابقا من قبل يحيى توفيق السحيمى في السبت أكتوبر 04, 2008 12:03 pm عدل 1 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
يحيى توفيق السحيمى

avatar

عدد الرسائل : 346
العمر : 58
مقولتي : كلماتى {وَلاَ تَقْفُ مَا لَيْسَ لَكَ بِهِ عِلْمٌ إِنَّ السَّمْعَ وَالْبَصَرَ وَالْفُؤَادَ كُلُّ أُولـئِكَ كَانَ عَنْهُ مَسْؤُولاً }الإسراء36
تاريخ التسجيل : 08/04/2008

مُساهمةموضوع: رد: الشاعر أمين الديب (الفلاح المصرى الفصيح ) الشاعر الذى يحسب له ألف حساب   السبت أكتوبر 04, 2008 11:57 am

البت باتعه


البت باتعه... بنت زيد عبد الصبور
اللي أمها يوم عرسها
كان عفشها... حلّة وبابور
ومعاه كمان صندوق خشب
كان أصله سحارة صابون
فيه بنستين والمكحلة
ومراية والفلاية والملقاط
وحجر وليفة ومبخره
وقزازة كان فيها البخور
وجوز صحون
ومنٍخُلين..
والطشت والقروانه والغربال..
ومقشّه ليف...
ومقشتين عرجون
وزير وزلعة وقلتين وماجور
وحصيره من سوق التلات
ولحاف بإيدها منجداه
ومخدتين
والوش كان دمُّور
في الانفتاح
علي رأي صاحبي ولانبطاح
وفتحنا مصر سداح مداح
ونسينا حي علي الكفاح
والشعب محكوم بالسلاح
اتلخبطت كل الأمور
وقيم كتير
وعادات كتير اتغيرت
من ضمنها غًلو المهور
البنت دي
بنت أم باتعه
مش عاجبه حد في مشيها
إكمنًّها.. مشيت طريقها لوحدها
والأسرة غابت عنًّها
مشغولة عنها بعبئها
سايبينها هيًّ وشأنها
وإكمنًّها مستهدفه
الأجنبي ومعاه غبي
فكّر لها
قال أولا:
ترفض معيشة أهلها
ترفض أوامر ربها
ترمي الحياء والانتماء ورا ضهرها
تقطع جدورها بنفسها
أوعز لها
إزاي حتعرض لحمها
وتبان مفاتن جسمها
من ضفرها.. لأعلي خصله ف شعرها
عمل الصالات... تعرض موضات
والاعلانات... ماليه الشاشات
بالشنبوهات والتسريحات
وحاجات كتير فرحت بها
تاهت ونسيت نفسها
وتكلًّمك ربع الكلام بالأجنبي
وتقول هالو...
بنت أم باتعه تقول هالو
مرسيه يا شوشو وثانك يو
وكَمٍ يا توتو وياللا جو
وكبار شيوخ المسلمين
ما عرفش ليه مًتلجًّمين
والمسئولين... فتحوا الببان علي وًسعها
قام قال سلامة ألمًّها
يمكن تغيّر فكرها
ترجع لدينها وربها
وتعيش حياتها بحلوها وبمرها
راح لـ أمها...
يخطبها منها وقال لها
بصراحه بنتك..
عاوزه حد يلمّها
وأنا قدّها
قالت: وماله
البنت يلزمها الجواز
شخشخ جيوبك.. واشتري ياللا الجهاز
قال: اطلبي...
قالت: تجهز شقه.. قد أربع إوض
أحسن نابوليا في البلد
وتجيبها من دمياط
وتجيب نجف من غير عدد
والمكنسة بشفاط
والدِش قبل الدٌش
والفيديو والبوتاجاز
وتجيب لها تلاجة ستاشر قدم
وتجيب لها قبل الجواز...
الفرو والمحمول
وتجيب لها غسالة فول
أنا قصدي فول توماتيك
شقتها كاملة..
زي أي بوتيك
وتجيب لها قبل الجهاز
الشبكة طقم من الدهب
أنا مش حاقولك ألماظ
وتجيب لها فستان زفاف
من غير كمام من غير كتاف
علشان يبين صدرها
وتبان مفاتن جسمها
وتجيب غوازي تزفها
واللي اسمه إيه شهر العسل
في الشرم واللا الغردقة
وبلاش أمور البعزقة
آدي مطلبي
إن كنت قادر مهرها
قرَّب لها
أنا مش حاميّل بختها..
قال: يا ام باتعه حاجيب منين
أنا لاني راجل مرتشي
ولا أحب أجيب بالدّين
ولا أرضي بالتقسيط..
الطاق بيبقي طاقين
ويكتّبوني شيكات
أو أمضي علي ايصالات
علي إنها امانات
وحكاية مش هيّ
لو بس فات شهرين
مادفعتلوش قسطين
بدل المحامي اتنين
حايجيب له رفض الشيك
ومصيبه وقضيه
ومش حاقولك عالقرف
وحاجات مخلًّه بالشرف
اما البوليس والمحكمه
حابقي ف نظرهم منحرف
وباكسر القوانين
شوفي يا ام باتعه
أنا عندي شقه محندقه
معقوله ماهش ضيقه
فيها يادوب أوضتين
وعملت جمعيه
مع ناس أماره زيكم
وقبضتها ألفين
وادي اللي عندي وقلتلك بصراحه
وبإذن واحد أحد
ربًّك حايفرجها..
وباتعه حتريَّحك.. وتعيش مرتاحه
قالت له: قم من هنا
قم فضها سيره
أنا احترمتك.. عشان الأهل والجيره
بتقولي الفين جنيه?!!
وانا اللي قال بافتكر..
باتعه حاتخد بيه
حافظ علي كلمتك يا اهبل..
وخلًّيك زوق
دي باتعه طول عمرها
دايما تبص لفوق
لاحمر ولاخضر
وشي محزَّق وبنطلونات
والشعر فوق كتفها سايح
وفي الكوافير
مش كل طير يندبح
خد دش وانت تفوق
وتفوق لنفسك
وتتكلم كلام موزون
وفرضنا انت اللي عاقل
والمستمع مجنون !
ألفين جنيه للغوازي واللا للمأذون?!!
فيه ناس كتير زيكم مش عايشة في الدنيا.
مابتسمعوش الرداوي.. واللا تلفزيون?!!
شفت اللي بيقدمه الحاج متولي?!!
الشقه بالعفش كامله..
وفلوس كتير في البنك
كتبه لعروسته..
دَا غير اللبس والمصاريف
شايفاه بعيني
ولا واحد غريب قالًّلي
كل المسلسل تابعته دقيقه بدقيقه
والحاج متولي إلاهي لم يشوف ضيقه
راجل صحيح مًقٍتًدًر
كل البنات عاوزاه
وباتعه بنتي..
إلاهي يكون نصيبها معاه
مش جاي تقولي الشباب !!
أنا ناقصه هَمٍ تقيل
قال: يا ام باتعه اسمعيني
كل دا تمثيل
قالت له: ده قصر ديل
وبلاش كلام فاضي
الشعب راضي
مافيش غيرك عامل لي تقيل
ما تكونش ماهر يا شاطر
واسم أبوك عطار
والشاي علي النار
وقاعد لسَّه عالرمله
والحلوه تيجي تلاقيك
فارش لها المنديل.?!
قال: يا ام باتعه
دي ناس بتوزع الأوهام
ساعدوا العدو بجهلهم
في الحرب عالإسلام
وأنا مش بالوم جهلهم
اللوم علي الإعلام
قالت: خلاصة الكلام
أنا بنتي مش من وقمكم
شوفولكو ناس علي قدًّكم
أنا بنتي حلوه مثقفه
حافظه الأغاني كلها.
أحدث شرايط عندها.
دي لما تلبس بنطلونها الجينز
كل الشباب تجري وتخطب ودّها
ونانسي عَجرم نفسها
ما تجيش في خصله ف شعرها
ولا تيجي ضفر ف رجلها
طب والنبي...
لو شافها واحد أجنبي
ليجيب لها.
كل اللي ييجي ف نفسها
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عادل ادريس

avatar

عدد الرسائل : 106
العمر : 64
مقولتي : أسمى من العدل أتوصف ولى ونيس 00 اكتب واقول الزجل بقلب حسيس 00محمد ونفسى أزوره وأبقى عريس 00 واقوله اشفع يا نبى لمحمد عادل بن إدريس
تاريخ التسجيل : 29/07/2008

مُساهمةموضوع: لشاعر امين الديب ( الفلاح المصرى الفصيح )   السبت أكتوبر 04, 2008 8:22 pm

شكرآ يا استاذ يحيى على هذه الهديه الجميله واضيف ان الشاعر امين الديب لا يختلف عليه اثنان
ولى رجاء عندك ان تحاول استضافة امثال هذا الشاعر الجميل فى صالوننا المتواضع وذلك بصفتــــــــك
مقرر اللجنه الثقافيه الدوره القادمه ان شاء الله وشكرآ على مجهوداتك الطيبه 0
كما ارجوا من سيادتكم كتابة المواقع التى ذكرتها للشاعر امين الديب كى نستطيع ان نستمتع بشعره الجميل
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
صبري النجار

avatar

عدد الرسائل : 712
العمر : 64
العمل/الترفيه : إدارة مشروعات وأعمال كهروميكانيكية وتحكمBMS/عضو لجنة الكود المصري للتبريد وتكييف الهواء والتحكم
مقولتي : مالم ننضوِ تحت لواءٍ واحدٍ فلن ينصرنا الله على عدوّنا
تاريخ التسجيل : 03/04/2008

مُساهمةموضوع: رد: الشاعر أمين الديب (الفلاح المصرى الفصيح ) الشاعر الذى يحسب له ألف حساب   الأحد أكتوبر 05, 2008 2:52 am

زجال رائع حقاً

شكراً يا أستاذ/ يحيى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
يحيى توفيق السحيمى

avatar

عدد الرسائل : 346
العمر : 58
مقولتي : كلماتى {وَلاَ تَقْفُ مَا لَيْسَ لَكَ بِهِ عِلْمٌ إِنَّ السَّمْعَ وَالْبَصَرَ وَالْفُؤَادَ كُلُّ أُولـئِكَ كَانَ عَنْهُ مَسْؤُولاً }الإسراء36
تاريخ التسجيل : 08/04/2008

مُساهمةموضوع: رد: الشاعر أمين الديب (الفلاح المصرى الفصيح ) الشاعر الذى يحسب له ألف حساب   السبت أكتوبر 18, 2008 11:16 pm

الأخ الفاضل / الاستاذ / محمد عادل إدريس

اشكركم على مروركم الميمون وتعليقكم الراقى وربنا يكثر من الزجالين والشعراء والأدباء المخلصين
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
يحيى توفيق السحيمى

avatar

عدد الرسائل : 346
العمر : 58
مقولتي : كلماتى {وَلاَ تَقْفُ مَا لَيْسَ لَكَ بِهِ عِلْمٌ إِنَّ السَّمْعَ وَالْبَصَرَ وَالْفُؤَادَ كُلُّ أُولـئِكَ كَانَ عَنْهُ مَسْؤُولاً }الإسراء36
تاريخ التسجيل : 08/04/2008

مُساهمةموضوع: رد: الشاعر أمين الديب (الفلاح المصرى الفصيح ) الشاعر الذى يحسب له ألف حساب   السبت أكتوبر 18, 2008 11:17 pm

الأخ الفاضل / المهندس / صبرى النجار

أشكركم على مروركم الميمون وتعليقكم الراقى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
الشاعر أمين الديب (الفلاح المصرى الفصيح ) الشاعر الذى يحسب له ألف حساب
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات نادي مدينة 6 أكتوبر الرياضي :: قسم الآداب :: موضوعات أدبية-
انتقل الى: